Дали е ликвиден буџетот и дали се можни проблеми со финансиите на локално ниво, кој ќе стави потпис на новата еврообврзница и исплатата на субвенциите, беа дел од прашањата на кои одговараше поранешниот дополнителен министер за финансии, Кире Наумов на ТВ 24.
„Дефинитивно јасно е дека е крај и дека доаѓа нова Влада. Новата Влада мора да донесе ребаланс на буџетот. И во тој ребаланс ќе биде неопходно издавање на нова еврообврзница бидејќи доспеваат долгови во четвртиот квартал коишто се кон надвор и мораат да се покријат со еврообврзница“, вели Наумов.