Портпаролот на СДСМ и пратеник Костадин Костадинов на поставеното прашање од новинарите за тоа дали Владата предводена од СДСМ ќе прифати патокз за Договорот за добрососедство со Бугарија и тој да стане дел од преговарачката рамка, одговори дека нема потреба и нема да се случи ниту нов Договор, ниту Анекс.
„За идентитетот наш македонски, за јазикот наш македонски, ниту се разговарало или преговарало, ниту се разговара или преговара. Хистеријата што ја шири самопрогласениот хистеричен политичар Христијан Мицкоски е исклучиво во функција на штета на сопствената држава и сопствениот народ во еден период коишто е многу важен за нашата заедничка иднина“, истакна Костадинов.