“Малите производители, заради тоа што се најбитни, особено во време на криза, треба секогаш да ја имаат подршката од државата. Тоа мора да биде стратегија на секоја влада, на секој министер од било која структура, тоа мора да биде засекогаш така…” – со овие зборови министерот за земјоделство, шумарство и водостопанство Љупчо Николовски на 12 ноември 2022г го отвори првиот (линк тука) национален саем за храна и пијалоци “Вкуси јa традицијата”.
Настанот беше во организација на Министерство за земјоделство, шумарство и водостопанство и Слоу Фуд Македонија, како прв саем со ваков обем, на кој се претставија повеќе од 200 производители од над 40 локални здруженија. На просторот во Градски парк, беа поставени над 200 штандови со производи, а се подготвуваше и вкусна традиционална храна од познати готвачи.
Минатата година се одржа вториот ( линк тука) саем за храна на кој беа претставени над 400 производители со над 2000 производи. Вино, ракија, ајвар, сирење, кашкавал, и уште многу други македонски производи, можеа да пробаат граѓаните во Градскиот парк, во Скопје, како дел од вториот по ред национален саем за храна и пијалаци „Вкуси ја традицијата“.
“Денес, сите овие производители, може лесно да се регистрираат со новите политики, и да ги продаваат своите производи, од дома, од праг. Тоа е најголемиот тренд за кој зборуваме, а може и да се види тука. Се има таму, го има нашето минато но и иднината. Е тоа се денеска го имаме овде во срцето на Скопје, распослано на тезгите на малите производители, чувари на традицијата, на локалното, на домашното, на оригиналното “ – ќе потенцира во своето обраќање тогашниот министер Љупчо Николовски.
– Нашиот саем ја пишува својата приказна и знам дека ќе прерасне во долгогодишна традиција. И на секое спомнување кај сите нас секогаш ќе буди убави чувства, ќе остане во нашата меморија добрата енергија, шаренилото на бои кои извираат од секоја тегла, мирисите кои мамат од секоја тезга, вкусот на тазе испечена пита, на доброто вино и ракија, на насмеаните лица, нагласи тој.
На вториот саем за храна гостинка на домакинот Николовски, беше министерката за земјоделство на Република Србија, Јелена Танасковиќ.
Вчера, 02.11.2024г по трет пат се одржа саемот за храна и пијалоци, но не во Градскиот парк туку во паркот Авионче, во Аеродром.
Министерот за земјоделство, шумарство и водостопанство Цветан Трипуновски, познат по тоа што во секое негово излагање нагласува дека се што е од предходно не чинело, конечно призна дека овој настан е од клучно значење за малите производители.
“Денешната манифестација е доказ дека со соработка помеѓу Министерството, земјоделците, здруженијата може да се достигне до посакувата цел, а тоа е промоција на нашата домашна храна. „Вкуси ја традицијата преку домашна здрава храна“ ќе стане синоним на успешна соработка помеѓу земјоделците и Министерството.” – рече тој.
Функционерите од ВМРО-ДПМНЕ се познати по тоа што едно зборат во опозиција, а сосема друго работат кога се на власт. Па така, Трипуновски, со признавањето на овој успешен проект кој се роди како идеја и се реализираше минатите години, не потсети на неговиот шеф, Мицкоски кој се што негираше додека беше во опозиција, истото сега од позиција на власт го претставува како ремек дело и историски успех. Почнувајки од Преспанскиот договор па се до договорите со Бехтел и Енка, итн…