Денеска, 25.01.2022 (вторник) со почеток во 10:00 часот е закажана прес конференција во Транспаренси Интернешнл – Македонија на која ќе бидат презентирани наодите од Индексот на перцепција на корупцијата (ИПК) за 2021 година.
На прес конференцијата претседателката на Транспаренси Интернешнел Слаѓана Тасева ќе информира за конечниот резултат и за методологијата на основа на која е формиран резултатот за 2021 година.
Во јануари минатата година од страна на Транспаренси Интернешнел беше објавено рангирањето за 2020 година за политиките и активностите против корупцијата и нашата држава беше на 111 место. Токму затоа беше формирана новата функција во владата, вицепремиер за борба против корупцијата.
Резултатите кои се објавени на веб страната на Transparency Internacional а кои треба да ги образложи Тасева, за само една година покажуваат сериозен напредок во борбата со корупцијата, споредбено 2020/2021г.
Нашата држава покажала најдобар резултат во борбата со корупцијата во 2021 година од целиот регион. Северна Македонија рипна дури за 24 места на скалата што ја објави Transparency Internacional.
Данска, Финска, Нов Зеланд, Норвешка, Сингапур и Шведска и натаму се земји со најмала перцепција за корупција додека на дното на листата се Авганистан, Северна Кореја, Јемен, Венецуела, Сомалија, Сирија и Судан.