Вицепремиерот за борба против корупција и криминал, за одржлив развој и човечки ресурси, Љупчо Николовски денеска оствари средба со директорот на Националната агенција за европски образовни програми и мобилност, Марко Ѓоргиевски.
„Ги потврдивме нашите заеднички напори да се креира амбиент и услови за промена во начинот на работа во оваа значајна агенција.
Се залагаме за позитивна промена која треба да донесе чесно, одговорно и посветено работење, како заеднички врвни приоритети.
Промоцијата на европските вредности е особено важна, како и напредокот на младите и зајакнувањето на образовните капацитети“, истакна Николовски.
