Дополнителниот заменик министер за внатрешни работи Славјанка Петровска во врска со несоодветно и насилничко однесување на припадникот на МВР истакна дека Одделот за внатрешна контрола криминалистички истраги и професионални стандарди при МВР ги завршило потребните проверки за настанот во Тетово кој се случи на 15.07.2020 год.
„МВР констатира дека постои основано сомнение дека полицискиот службеник, државен советник за полициски и криминалистички работи на министерот за внатрешни работи сторил кривично дело насилство по член 386 став1 и малтретирање при вршење служба по член 143 од КЗ за што против истиот до ОЈО ГОКК – Одделението за гонење на сторите на кривични дела на лица со полициски овластувања поднесена е кривична пријава“, посоли Петровска.
-Против државниот советник поведена е постапка за утврдување на дисциплинска одговорност и истиот ќе биде суспендиран од работното место до завршување на дисциплинската постапка во МВР, потенцираше Петровска.
Повеќе информации за инцидентот кој се случи на 15.07.2020 г. меѓу Зоран Ѓорѓиевски, советник во Кабинетот на техничкиот министер Наќе Чулев, и началникот на Единицата за безбедност во сообраќај во СВР Тетово, Зоран Талев, на следниот ЛИНК.