ОЈО: Kуќен притвор и мерки на претпазливост за двајца напаѓачи во Собранието

Министерството за внатрешни работи до Основното јавно обвинителство поднело две кривични пријави, против две лица за учество во толпа, информираат од Обвинителството.

„За едното лице, надлежен јавен обвинител по прибирање на доказите ја утврди дадената правна квалификација. Со оглед на обемната медицинска документација за здравствената состојба на осомничениот, јавниот обвинител кој постапува во предметот предложи до судија на предходна постапка од Основниот суд Скопје 1, определување мерки на претпазливост. Со решение на судот, на лицето му се определени мерки за претпазливост и тоа забрана за напуштање на живеалиште, одземање на патна исправа, забрана за приближување на место каде се одржува протест во растојание од 500 метри и забрана за приближување на лицата кои евидираат како оштетени од овој настан“, се додава во соопштението.

За другото лице за кое е поднесена кривичната пријава, Основното јавно обвинителство Скопје ја прифатило правната квалификација за сторено кривично дело.

„Ценејќи дека постојат законски основи, надлежен обвинител до судија на предходна постапка достави предлог за определување мерка на обезбедување. Судот со решение на осомничениот му определи мерка куќен притвор со времетраење од осум дена“, додаваат од Обвинителството.

Мета

ПОВРЗАНИ ВЕСТИ

e