По повод Меѓународниот ден за елиминација на насилство врз жените, вицепремиерот за борба против корупција и криминал, за одржлив развој и човечки ресурси, Љупчо Николовски нагласи дека нема оправдување за ниту еден вид насилство врз жените, а Владата е цврсто определена за подобрување и креирање национални политики за превенција и заштита на жртвите на насилство.
„Денешниот Меѓународен ден за борба против насилство врз жените, не потсетува на нашата обврска како држава да создаваме општество кое ги заштитува жените од секој вид на насилство“, посочи Николовски.
