Генералниот секретар на СДСМ, Љупчо Николовски, преку видео обраќање информираше за седницата на ЦО на СДСМ која ќе се одржи викендот во Охрид.
-Ги известив и ги поканив сите членови на Централниот одбор на СДСМ, како и оние кои по функција присуствуваат, дека в недела, на 16-ти, во Охрид, ќе се одржи седница на ЦО. На седницата ќе разговараме за суштинските промени во партијата, за новиот систем на работа и делување, за напредокот на државата и очекувам да го заокружиме изборот на раководните органи на СДСМ. Промените во СДСМ продолжуваат во интерес на граѓаните и забрзување на напредокот на земјата, за нас Зборот важи, вели Николовски.