Генералниот секретар на СДСМ Љупчо Николовски, упати велигденска честитка нагласувајки дека оваа година, иако заради ситуацијата во државата сме разделени, остануваме обединети и сплотени како никогаш досега и дека само така ќе успееме.
Во продолжение целосната честитка на Николовски:
Се радуваме во срцата, ги прочистуваме телото и душите и ја одбележуваме најголемата победа – победата на животот врз смртта. Но, истовремено остануваме свесни за опасноста со која се соочуваме и делуваме мудро, за и ние да извојуваме победа на животот. Оваа година Христосовото Воскресение го дочекавме во нашите домови. Велигден – празникот над празниците, го славиме на еден поинаков начин.
Иако сме разделени, остануваме обединети и сплотени како никогаш досега. Само така ќе успееме. ХРИСТОС ВОСКРЕСЕ, НАВИСТИНА ВОСКРЕСЕ!