Министерот за земјоделство, шумарство и водостопанство Љупчо Николовски е во дводневна работна посета на Хрвaтска.
Денеска во Бјеловар, заедно со колегите од Хрватска, го одбележуваа почетокот на 24-тото издание на пролетниот Бјеловарски саем.
-Северна Македонија за прв пат е земја партнер на еден ваков реномиран саем со долгогодишна традиција. Огромна е можноста и честа што Северна Македонија е земја партнер на оваа голема манифестација.
На Бјеловарскиот саем учествуваат над 400 изложувачи од 11 држави, што е најголема потврда за значењето на овој саем. Во моето излагање ја истакнав важноста на пријателството кое се гради преку ваквите меѓународни саеми, што е подеднакво важно како и убавата енергија, мотивацијата и новите успешни бизнис приказни, соопшти министерот Николовски.
Со поддршка на македонското Министерство за земјоделство, шумарство и водостопанство, пред посетителите на Бјеловарски саем ќе се претстават македонски компании со своите производи и брендови во кои се вткаени единствени македонски вкусови и традиција на македонското поднебје.
Претходни Николовски рече дека очекува успешно саемско претставување и многу нови контакти кои би донеле нови можности за пласман на нашите домашни земјоделски производи.
Министерот Николовски вчера оствари средба и со министерката за земјоделство на Хрватска, Марија Вучковиќ на која се разговараше за jакнење на трговската размена помеѓу двете пријателски земји и за македонските пристапни преговори во областите на земјоделството и руралниот развој.