Германската канцеларка Ангела Меркел во владината изјава во Бундестагот потенцираше дека шансите за постигнување едногласна согласност на Самитот на ЕУ за давање зелено светло за старт на преговорите со Северна Македононија и Албанија не се добри.
„Германија чувствува посебна приврзаност кон земјите од Западен Балкан и сака да ги приклучи кон ЕУ. Мораме да опстоиме на дадените ветувања кон овие земји“, рече Меркел, која на средбата со францускиот претседател Емануел Макрон, сигнализираше поддршка за реформи во однос на пристапните преговори за идните членки на Унијата, со надеж дека ќе попушти во однос на датумот за старт на преговорите со Скопје и Тирана.