Дека ништо не се променило во партијата на Никола Груевски, во овој скапоцен дворец зад мене, потврдуваат ставовите на Гордана Силјановска, кандидатката на Христијан Мицкоски за претседател на државата. – рече денес на прес конференција потпаролот и пратеник од редовите на СДСМ Костадин Костадинов.
Христијан Мицкоски зборува преку Гордана Силјановска.
Очајно и крајно неодговорно Гордана Силјановска се обиде да ја злоупотреби трагичната сообраќајна несреќа, во која животите ги загубија 15 наши сограѓани а голем број се повредени.
Додека се уште се свежи страотните сцени од несреќата кај Ласкарци, додека наши сограѓани се уште закрепнуваат од повредите, додека семејствата се во тага и болка.
Тоа не е однесување на претседател на држава.
Претседател не користи несреќи и човечки трагедии со намера политички да профитира. Претседател не обвинува напразно и неосновано само за да следи партиска наредба на својот вистински шеф.
Сега е јасно зошто Силјановска не се огради од говорот на омраза и поделбите што ги ширеше една нејзина колешка, исто така блиска до ВМРО-ДПМНЕ.
Ваквото однесување на Силјановска потврдува дека се движи по стапките на Иванов, следејќи ги насоките на Мицкоски.
На Република Северна Македонија не и е потребен нов Иванов, туку вистински претседател кој ќе работи во интерес на граѓаните и државата.
Претседател кој нема да ги дели граѓаните туку ќе ги обединува. Претседател кој нема да ги злоупотребува нивните чувства. Претседател кој ќе биде партнер на граѓаните, а не партиски послушник.