Коста Петров е познат како автор на популарни книги за самопомош, пи-ар експерт кој работеше во Кабинетот на Арбен Таравари кога тој беше министер за здравство и од неодамна потпретседател на владејачката СДСМ. Интернационално докажан претприемач, експерт за односи со јавност на брзорастечки пазари, најпродаван бизнис-автор и говорник.
Тој е основач на P World, светската, водечка агенција за настани, која работи во 30 земји во Европа, Блискиот Исток, Централна Азија, Африка и Северна Америка.
Две години по ред , Коста беше вклучен во листата на највлијателни професионалнци за настани во Југоисточна Европа на Kongres Magazine. Тој е и дописник за американското издание на Huffington Post и редовен говорник за односи со јавност, лидерство и претприемачи на различни настани во светот.
Петров е најпродаван автор во неговата родна земја и автор на интернационално признатата книга „The Fear“. Тој е и уредникот и креативниот гениј зад „Тајните на светските PR-експерти“ – првата книга за односи со јавност, напишана од практичари за практичари.
За новиот ангажман, но и за старата љубов – пишувањето, како и за актуелностите на политичката сцена ЛОКАЛНО разговараше со Коста Петров.
-Како експерт за односи со јавност ваш став за реториката на премиерот Заев бидејќи во јавноста, пред се на социјалните мрежи се крена голема фама, околу неговите изрази (мрчење, педер, цепидлачи…) Дали контексот е запазен или пак често пати се вадат лажни вести и манипулации околу ваквите изјави на првиот човек на владата?
– Премиерот е народски човек, но пред се човек. Некогаш се случува да направи грешка и за тоа се извинува, што и треба да го прави секој политичар. Мора да сфатите дека неговата работа е под лупа 24 часа во денот и некогаш се случува да каже нешто што не треба но она што е многу важно е дека на Премиерот граѓаните на Македонија секогаш му се врвен приоритет и се што прави прави за доброто на земјата. Би сакал повеќе политичари да се како него и да го следат неговиот пример.
Целото интервју прочитајте го на следниот ЛИНК.