До 10 часот на гласање излегле 6,31 отсто од гласачите во вториот круг од претседателските избори, соопшти Државната изборна комисија по обработени 88,1 отсто од избирачките места.
Право на глас имаат 1.808.131, а за да биде успешен вториот круг и да биде избран претседател, потребно е излезноста да биде над 40 отсто, односно на гласање да излезат 723.252 гласачи.
„На избирачките места веќе три и пол часа се гласа, сѐ тече мирно и без неправилности“, велат од ДИК.
По општини, најголема излезност има во Крива Паланка со 14,91%, по што следуваат Демир Капија со 13,24%, Кратово со 12,46% и Берово со 11,06%. Најмала излезност има во Врапчиште со 1,16%, па Дебар со 1,29% и Боговиње со 1,31%.