Улогата на претседателот Ѓорге Иванов може да се заобиколи во давањето на мандатот за состав на влада и парламентарното мнозинство може да го свика Собранието и да избере влада, која ќе ги врати во функција државата и институциите, сметаат правните експерти.
– Во најмала рака сега треба да се бранат државата и институциите. Иванов не постапи по уставната определба, останува да се видат другите опции кои Уставот ги нуди. Влада треба да се избере, целата надлежност и одговорност сега преминува во парламентот, сега фактички се заобиколува функцијата претседател и Собранието треба да смогне сили и да се состане. Има коалиција, има парламентарно мнозинство, и сега останува парламентарното мнозинство да бара свикување седница на Собранието – изјави за Плусинфо, професорот по правни науки на Универзитетот ФОН, Осман Кадриу.
– Без никакви услови Иванов треба да го даде мандатот на претставник на партија или коалиција која ги исполнува условите, а тоа е обезбедено парламентарно мнозинство од 61 пратеник – додава Кадриу за Плусинфо.