Пред Собранието на Република Македонија од 17 часот започнаа да доаѓаат граѓани на закажаниот собир за поддршка на Специјалното јавно обвинителство.
Собирот е во организација на Шарената револуција а се случува откако специјалната обвинителка Катица Јанева со денови беше во Собранието каде одговараше на прашања на пратениците, но попатно беше омаловажувана и навредувана. Таа попладнево во знак на револт од ваквиот однос ја напушти седницата на комисијата и рече дека ќе се појави единствено на пленарна расправа.
