Премиерот Зоран Заев денеска одговори на вчерашната изјава на бугарскиот претседател Румен Радев, кој рече дека Заев не се извинил за тоа што изјави дека Илинденското востание е македонско.
„Апелирам сите заедно да ги тргнеме политичките интереси, голиот популизам или она што навистина не предизвикува да бидеме недоволно внимателни, затоа што договорот за пријателство соработка и добрососедство го потврди тоа преку нашите потписи таму, но треба тоа да го нагуваме да го доградуваме“- изјави Заев.
Тој притоа побара политичарите, историчарите, експертите да бидат внимателни и да придонесуваат кон заедичко пријателство.
Според Заев, Договорот за добрососедство е алатка која ги затвори отворените прашња меѓу двете земји, но тој мора да се негува и надградува. Притоа тој го повтори ставот дека не е во ред да се заборави колку Бугарија и помогнала на Македонија во ЕУ и НАТО и се бореле за неа.
Реакции во Бугарија имаше и од министерката за надворешни, Екатерина Захариева, како и бугарскиот премиер, Бојко Борисов кој рече дека ќе тие ќе одлучуваат за Македонија, а што и да кажал Заев тие ќе се сетат на тоа и дека тоа оди на негова сметка.