Починатиот Амди Бајрам е влезен во денешната Ковид статисатика, откако вчера попладне неговиот постмортем тест покажа дека е позитивен на корона вирусот. Информацијата за Сител ја потврдија од Институтот за јавно здравје и со тоа се отвора можноста за изолирање на сите контакти кои непосредно пред смртта биле со поранешниот пратеник, но и сите оние кои присуствуваа на свадбата на внуката на Бајрам во Турција.
Епидемиолозите се жалат дека роднини не сакале да соработуваат, но и да ги кажат лицата кои биле на свадбената церемнонија. Дали има кластер и колкумина се во ризик да се заразат со вирусот најверојатно ќе дознаеме утре, информира Сител.
Министерството за здравство вчера изрази сочувтсво до семејството и апелираше, во интерес на заштита на нивното здравје, во целост да соработуваат со надлежните служби. Отааму побараа да се избегнат сите погребни ритуали, а погребот да се спроведе согласно протоколите, како превенција од натамошно ширење на инфекцијата од Ковид-19.