Со ослободителни пресуди и три доживотни казни затвор заврши судењето за случајот „Ровер“.
Случајот кој го водеше судијата Илија Трпков заврши со ослободителна пресуда за ексминистерот за внатрешни работи Љубе Бошкоски, Зоран Трајковски, Сашко Јовановски, Ивица Ристиќ, Гоце Митревски и Никола Негриевски.
Случајот „Ровер“ по трет пат почна во 2015 година, за убиството на Марјан Тушевски и Киро Јанев. Доживотни казни затвор добија српските државјани Предраг Чубрило, Милан Илиќ и Милорад Ковачевиќ.
Обвинителката Лидија Раичевиќ сега може да ја обжали првостепената пресуда пред Апелација.