Од утре во следните 4 дена, 16., 17., 18. и 19. Јуни, ќе трае првиот рок за упис на средношколци во средното-стручно училиште на Град Скопје „Марија –Кири Склодовска“ во општина Аеродром за претстојната учебна 2020/21 година.
Полуматурантите се наоѓаат пред тешка одлука – да го направат вистинскиот избор на средно образование со цел како идни средношколици следните 3 или 4 години да ги минат во продуктивна и креативна средина која ќе им ги отвори вратите успешно да се снајдат на пазарот на труд.
„Ликот и делото на Марија Кири Склодовска е синоним за храброст и истрајност во светот на науката. Бидете храбри, бидете Кири!“ – порачуваат од ова средно училише од каде ги покануваат учениците да се одлучат за средно-стручно образование со цел да бидат квалификувани професионалци.
Учениците може да изберат една од следниве струки:
Хемиски лабораториски техничар
Техничар за козметички и хемиски производи
Техничар за заштита на животна средина
Техничар за очна оптика
Фармацевтски техничар
Медицински лабораториско – санитарен техничар
Болничар – негувател
За целосен успех клучни се повеќе нешта кои ова средно училиште ги нуди.
Наставниците, стручните соработници и раководната служба ветуваат дека како и во досегашното петдецениско искуство на училиштето ќе дадат поддршка во реализирањето на потенцијалите на идните ученици и заеднички ќе се гордеат на нивните успеси. Ќе се обезбеди средина и услови за идните средношколци, кои ќе истражуваат, ќе експериментираат, ќе пронаоѓаат…
Современа настава, современо опремени лабаратории, пријатен пристап на наставниот кадар и раководството од ова училиште се само дел од она со кое идните средношколци ќе се сретнат во оваа образовна институција, порачуваат надлежните.
Нивната порака до младите е „Направете го најдобриот избор за Вас – Бидете и вие Кири“.