Скопската Зоолошка градина наскоро ќе стане дом на арктички бели волци. Овие волци доаѓаат од зоолошките во Литванија и Германија и се редок и загрозен вид. На возраст се од околу една година и се очекува во Скопје да пристигнат наредниот месец, информираат надлежните.
Белите волци ќе бидат втор вид ретки бели животни во скопската Зоолошка, по белите лавови Чака и Бела кои се веќе омилени кај посетителите.