Криминалистичката полиција на СВР Битола во заедничка акција со полициски службеници од ОВР Крушево, по претходно добиена судска наредба изврши претрес во дом и простории на П.К. од Крушево.
Сања Стаматова, портпарол на СВР-Битола изјави дека за време на претресот извршен во текот на вчерашниот ден, пронајдени се над 60 пушки, над 60 пиштоли и околу 2.000 парчиња ловечка и боева муниција од различен калибар, како и разни делови за пушки и пиштоли.