Europe House Крива Паланка го прифати предизвикот на Шведската амбасада во Скопје и се приклучи на иницијативата за создавање помалку отпад, реупотреба и рециклажа преку потрага по нови практики за управување на отпадот, одржливи иницијативи и зелени решенија на Sustainable Waste: Boot Camp 5.0.
Од вкупно 7 тима со иновативни решенија, стручното жири не успеа да се одлучи за еден победник па одлучи да награди два тима.
Тимот Кратерки од Кратово составен од Мери Стаменовска и Ивона Иванова под менторство на Младен Мицевски претстави метод на кроење и плетење со кој текстилниот отпад го претвора во нови модни парчиња и додатоци, при што отвара и нови работни места за лицата со попреченост.
Тимот Зелена иднина од Куманово и Липково составен од Емилија Јакимовска, Еркан Ајдини и Абдула Реџепи под менторство на Аделина Белули, отпадот од ПВЦ пластика целат да го трансформираат во гранули кои потоа на пазарот можат да ги продаваат како такви или во форма на потрошен материјал за компаниите кои произведуваат врати и прозорци. Со ова го затвораат кругот на креатори на отпад и корисници на производи од истиот.
– Благодарност до обучувачите, стручното жири, менторите и тимовите и честитки до победниците!- упатија организаторите на настанот.
Младите учесници имаа можност да уживаат и во музичкиот перформанс на младата пијанистка од Крива Паланка Ева Николова, под менторство на професорката Лариса Жулина Митовски.
Како изгледаше овој оригинален настан кој се одржа во Europe House Крива Паланка погледнете во продолжение:
