Вршителот на должноста градоначалник Костадин Костадинов и секретарот на општина Струмица Кирил Парталов кој е и командант на општинскиот штаб за заштита и спасување, во моментот се меѓу жителите на населеното место Баница и заедно со противпожарните екипи работат на локализирање на пожарот кој што избувна над селото Баница. Според последните информации, пожарот зафатил поголема површина и се уште не е ставен под контрола, а сите противпожарни возила во моментов се наоѓаат пред селото за да го спречат неговото ширењето до куќите.
Командантот на општинскиот штаб за заштита и спасување, Кирил Парталов, информираше дека се во постојана координација со сите надлежни органи и со сите расположливи ресурси се прават напори пожарот да се стави под контрола, односно, да се спречи неговото ширење кон селото Баница.
