ОВР Прилеп поднесе поднесе кривична пријава против девет физички и две правни лица и тоа: Поранешниот градоначалник на Прилеп, Маријан Ристески (49) заедно со уште осум лица и две фирми се осомничени за криминал со државно земјиште, а со кој го оштетиле буџетот за околу 130.000 евра, информираше МВР.
Освен Ристовски, осомничени се И.Ч.(70) -раководител на Одделение за урбанизам, И.К.(65) – раководител на Сектор за урбанизам, В.Ј.(63) Државен правобранител за Прилеп, Т.М.(63)- Нотар, кои се товарат за злоупотреба на службена положба и овластување.
За истото дело, но и за давање на лажен исказ се осомничени М.З.(54)- Претседател на Комисијата при општина Прилеп, Ж.С.(70)-раководител на Одделение за катастар и недвижности, а Г.Б.(57), еден од основачите на фирма од Прилеп-купувач на спорните парцели и тужител, освен за злоупотреба на службена положба и овластување се товари и за фалсификување на службена исправа и „поднесување на лажни докази, исто како и Р.П.(56)- вработен во фирмата како изготвувач на геодетските елаборати и за изработка на ДУП.
Според МВР, пријавените во својство на одговорни лица со пречекорување на своите овластувања, а со намера да овозможат противправна имотна корист за правното лице од Прилеп, во 2012 и 2013 година, со електронско наддавање, каде како продавач се јавува општина Прилеп на градежни парцели ГП од КО Прилеп, противправно –со лажни имотни листови во кои не постои податок за правото на користење на земјиштето на Министерството за одбрана.
Сите инволвирани лица знаеле дека се лажни и свесно не ја оспориле нивната валидност во сите постапки, постапувајќи најпрво од онаа при припремата на објавата за продажбата на градежното земјиште, давањето на согласностите од страна на Државно правобранителство-Прилеп, а потоа и во постапката пред суд по поднесената тужба за надомест на штета, а ниту пак е поведена постапка пред надлежен суд, на кој начин е отуѓено градежното земјиште сопственост на државата, а врз кое корисник било Министерството за одбрана, а со кои дејствија по заведен судски спор пред Основен суд Прилеп од купувачот правно лице од Прилеп против ПМ за надомест на штета, исплатени се парични средства по правосилна Пресуда на име уплатен надомест за градежно земјиште, во износ од 19.191.800 денари –од буџетот на Република Северна Македонија, а трите парцели биле отуѓени од страна на општина Прилеп по вкупна цена од 11.442.102 денари, по што на ваков начин предизвикана е штета на Буџетот на Република Северна Македонија во износ од 7.749.698 денари.
Во 2013 година, од страна на општина Прилеп било издадено одобрение за градење на правно лице од Прилеп за изградба на станбена зграда со деловен простор на друга локација во Прилеп при што бил склучен договор за плаќање на надоместокот за уредување на градежното земјиште на 11 месечни рати, а платена е само првата рата.
Самиот Договор нема предвидено одредби за заштита од неплаќање на долгот, ниту пак истото е укинато, на кој начин противправно му е овозможено на истото правно лице од Прилеп да врши градежни работи без да го плати утврдениот надоместок- а што е спротивно на одредбите предвидени во Законот за градење. Плаќањето на надоместокот за уредување на градежното земјиште е извршено во 2016 година вез основа на судска пресуда по тужбата вв продажба на градежни парцели.