Поради модерниот начин на живот воопшто не треба да сме изненадени кога нашето тело ќе покаже знаци дека е крајно време да се грижиме за себе.
Всушност, само еден поглед на сопствениот изглед може да открие дека не се движите доволно, пишува Bright Side.
1. Очите ви се натечени
Седечкиот начин на живот е една од главните причини на задржување течности во организмот. Потечените очи се појавуваат поради недоволно движење, тоа значи дека предолгото спиење и излежување не е баш толку безопасно.
Се смета дека јогата е најдоброто решение за овој проблем, како и секојдневно раздвижување на телото.
2. Опстипација
Вежбањето е важно и за редовно празнење на цревата. Ако поголем дел од денот минувате во седење ќе биде потребно повеќе време храната да мине низ дебелото црево. Поради тоа количината вода што вашето тело ја апсорбира е ограничена што доведува до запек. Редовното движење ја подобрува ефикасноста на дигестивниот систем.
Дури и едноставно петминутно истегнување неколку пати во денот може да спречи опстипација.
3. Расеани сте
Ако често ви се случува да подзаборавите некои информации можеби треба да размислите за повеќе движење. Едно истражување откри дека луѓето кои водат неактивен живот покажуваат структурни промени во мозокот во подрачјето на медијалниот слепоочен предел одговорен за нашата способност за паметење.
Вежбањето е докажано дека го подобрува памтењето.
4. Болки во колената
Вежбањето може да ги ублажи симптомите на артритис и остеоартритис, особено аеробните вежби. Пациентите со хронични болки во колената треба да следат одредени програми на вежбање, а со редовно вежбање се подобруваат мускулите и ќе станете пофлексибилни.
5. Постојано ви се јаде благо
Физичката активност е совршен сојузник во борбата против желбата за благо бидејќи ја зголемува вашата енергија и ослободува ендорфин кој поттикнува чувство на среќа. Хормоните на среќата за возврат значително ја намалуваат желбата за благо.