Чашката алкохолен пијалак може да го намали ризикот од ненадејна смрт од срце за 30 до 40 проценти. Но, важно е да се задржите на само една чаша на ден бидејќи поголемата доза има спротивен ефект. Пивото е всушност добро за вашето здравје, но во умерени количини.

Пиво

Пивото, а особено темното пиво е одличен избор бидејќи содржи влакна и го намалува лошиот холестерол во крвта. Исто така го зголемува нивото на добриот холестерол кој го штити здравјето на срцето. Темното пиво има 3,5 грама на растворливи влакна, но на ден ќе треба да конзумирате околу пет грама за да би го намалиле нивото на лошиот холестерол за цели 5%. Хмељот од пивото исто така го штити срцето и го снабдува со антиоксиданси.

Чај

Зелениот и црниот чај го намалуваат лошиот холестерол, па доколку пиете по една шолја чај на ден, ќе ви се подобри функцијата на артериите. Но, немојте да купувате филтер кесички со чај, туку направете го истиот од сушени билки кои се продаваат на рефус, бидејќи истиот е многу покорисен.

Магнезиум

Овој минерал има многу важна улога за здравјето на вашето срце, а дополнителните 200 милиграми на ден ќе го намалат ризикот од болести за дури 22 проценти. Во исхраната воведете житарици од цело зрно, јаткасти плодови и лиснат зеленчук.

Оптимизам

Доброто расположение е поврзано со помал ризик за срцеви заболувања, особено кај луѓето со фамилијарна историја на овие болести. Веселиот карактер може да послужи како заштита од здравствени потешкотии со срцето кои се предизвик.