Клима уредите се нешто без кое не можеме на горештините, а особено ни се потребни сега кога ги живееме најтоплите денови од стартот на годината.
Клима уредот може да биде и отров и лек. Важно е да знаете кога и како да го користите овој апарат.
Разликата меѓу температурата во просторијата и надворешната температура не треба да биде поголема од 10 Целзиусови степени, а идеално е пет степени поладна просторија.
Но, ова правило не важи ако надвор е 40 степени, како деновиве. Тогаш температурата се поставува меѓу 21 и 26 степени. Под 21 степен веќе се екстремно ниски температури, кои не се добри за здравјето.
Кога се излегува на отворено, треба да се исклучи климата и да се почека 10 минути, па да се излезе надвор. Обратно, кога се влегува дома, да не се вклучува веднаш клима, туку да се почека 10 минути за телото да се стабилизира.