Симптоми кои укажуваат дека ви недостасува витамин Б

Постојат неколку видови на витамини од групата Б, од кои секоја има единствена улога во одржувањето на здравјето на организмот.

Тие се особено важни за одржување на здравјето на клетките и зачувување на енергијата. Симптомите кои укажуваат на недостаток на витамин Б варираат во зависност од тоа каков вид на витамин Б имате недостаток.

Знаците на недостаток на витамин Б може да варираат од замор до амнезија, збунетост или имунокомпромитиран имунолошки систем, а може да се појави и осип. На луѓето на кои им недостига овој витамин лекарите обично им препорачуваат земање додатоци и поголем внес на храна богата со овој витамин.

Витамин Б12

Витаминот Б12, исто така наречен кобаламин, помага во регулирање на нервниот систем. Исто така, игра улога во растот и производството на црвени крвни клетки.

Недостаток на витамин Б12 може да ги предизвика следниве симптоми: замор, слабост, запек, губење на апетит, слабеење, вкочанетост или трнење во рацете и нозете, проблеми со рамнотежата, збунетост, слаба меморија и болка во устата или болка во јазикот.

Храна богата со витамин Б12: говедски црн дроб, школки, месо, риба, живина, јајца, млеко, сирење, житарици, квасец и растително млеко.

Витамин Б6

Витаминот Б6, исто така наречен пиридоксин, му помага на телото да ја претвори храната во енергија. Исто така, може да му помогне на организмот во борбата против инфекциите преку поддршка на имунолошкиот систем.

Недостатокот на витамин Б6 може да ги предизвика следниве симптоми: депресија, збунетост, гадење, анемија, дерматитис или осип и подложност на инфекции.

Храна богата со овој витамин: риба, живина, компир и друг скробен зеленчук, како и овошје, освен агруми.

Витамин Б1 и Б2

Витамин Б1 (тиамин) и витамин Б2 (рибофлавин) помагаат во претворањето на храната во енергија. Витаминот Б1 има невролошки придобивки, а витамин Б2 помага во одржување на правилен вид. Ретко кој има недостаток на витамини Б1 и Б2 затоа што ги има во разновидна храна, вклучувајќи млеко и цели зрна. Недостаток на овие витамини може да се појави кај луѓе кои пијат премногу алкохол.

Храна богата со овие витамини: свинско месо, риба, јаткасти плодови и семки, јајца, посно месо, млеко со малку маснотии и зелен зеленчук, вклучувајќи брокула и спанаќ.

Витамин Б3

Витамин Б3, исто така наречен ниацин, помага да се претвори храната во енергија. Исто така, помага при правилно варење и одржување на здрав апетит, а исто така е важен за развој на клетките.

Недостатокот на витамин Б3 може да ги предизвика следниве симптоми: груба кожа што станува црвена или кафеава на сонце, црвен јазик, повраќање, запек или дијареја, замор, агресивно, параноично или самоубиствено однесување и халуцинации.

Храна богата со овој витамин: леб, житарки, месо како свинско месо, риба и говедско месо и некои јаткасти плодови.

Витамин Б9

Витаминот Б9 или фолат е неопходен за развој на црвени крвни клетки. Недостатокот на витамин Б9 може да ги предизвика следниве симптоми: мегалобластна анемија, замор, тешкотии во концентрацијата, главоболка, отежнато дишење, промени во кожата, косата или промена на бојата на ноктите.

Храна богата со овој витамин: говедски црн дроб, аспарагус, прокељ, темнозелен лиснат зеленчук, портокали и сок од портокал, други овошја и овошни сокови, кикирики и други јаткасти плодови.

Има многу различна храна богата со витамин Б, така што здравата исхрана треба да биде разновидна и да вклучува месо, житарки, овошје и зеленчук, пишува Healthline. Повеќето луѓе можат да добијат доволно витамини од групата Б јадејќи разновидно месо, житарки, овошје и зеленчук.

ПОВРЗАНИ ВЕСТИ

e