Во многу случаи, магнезиумот може да помогне да се намали или целосно да се елиминира желбата за шеќер. Ова се должи на функциите што оваа хранлива состојка ги има во нашето тело.
Магнезиумот е есенцијален минерал кој не го произведува човечкото тело и може да се најде само во одредени намирници и суплементи.
Оваа хранлива материја игра важна улога во регулирањето на крвниот притисок, градењето на коските и одржувањето на редот на мускулните контракции и отчукувањата на срцето. Оние со недостаток на магнезиум може да имаат симптоми како што се гадење, слабост или повраќање.
Магнезиумот, сепак, има уште една помалку позната функција: успешно се бори против желбата за благо. Според извештајот објавен во научното списание Journal of Nutrition, луѓето со недостаток на магнезиум може да имаат поголема желба за чоколадо од вообичаено поради високата содржина на магнезиум во оваа храна.
Најдобри извори на магнезиум се спанаќот, блитвата, семките од тиква, путерот од бадем и скушата. Хранливава материја може да се најде и во помали количини во пилешкото, грчкиот јогурт, кафеавиот ориз, пченичниот леб и гравот.
Можно е да се внесува и магнезиум преку суплементи. Сепак, овие таблети може да се мешаат со други лекови, затоа е важно секогаш да се консултирате со лекар пред да ги земете.