Во тек е трка помеѓу вакцините против Ковид-19 и мутациите на коронавирусот кои се закануваат да ги загрозат, откриле научниците кои се занимаваат со овој проблем. Тие најавуваат дека науката ќе има подобрена вакцина за секој нов вид на коронавирус.
Експертите, сепак, предупредуваат дека сè уште не е време за олабавување, бидејќи вирусот сè уште мутира и дека прекумерната релаксација може да биде најгорливиот проблем.
Вакцините се помалку ефикасни против некои соеви, и колку повеќе се шири вирусот, толку почести ќе бидат мутациите, односно вакцините ќе бидат помалку ефикасни. Досега, ефикасноста на вакцините е проучена во мали групи во лабораториски услови, а како што започна масовната вакцинација, ефикасноста на вакцината е проучена во реалниот свет.