Се подготвува брзо и лесно, не изобилува со калории, а е толку вкусен што ќе посакате репете.
Од намирници потребни ви се – 2 килограми јаболка, 150 грама шеќер, 150 грама гриз, 200 грама брашно, 1 дл масло за јадење, 1 ванилин шеќер, 30 грама цимет и 1 прашок за пециво.
Измијте ги јаболката, излупете ги и изрендајте ги. Помешајте ги заедно со циметот.
Во друг сад измешајте ги брашното, шеќерот, гризот, прашокот за печивото и ванилиниот шеќер, па смесата поделете ја на три дела. Намачкајте ја тавата со масло за јадење, па се посипува со 1/3 од смесата на брашно, шеќер, гриз, печиво и ванила. Врз неа се става 1/3 од ренданите јаболка со цимет. Врз јаболката се става вториот дел од 1/3 од смесата со брашно, гриз, печиво и ванила.
Постапката се повторува наизменично, така што најгоре се става последниот дел од јаболката. Го прелеваме маслото и со дланките притискаме по целата површина на колачот. Се става да се пече во загреана рерна на 250°С, околу 50 минути.