Доколку сте љубители на лиснато тесто, но и на овошје и чоколадо, тогаш сте на вистинското место. Оваа комбинација е толку фантастична, што мора да ја пробате… Уживајте!
Состојки:
чаша и пол шеќер
две чаши боровинки
чаша црно грозје без семки
140 гр чоколадо
сок и кора од лимон
ванилин шеќер
два блока лиснато тесто
шеќер во прав
Подготовка:
Во тенџере измешајте ги шеќерот, боровинките и грозјето и варете на умерен оган, мешајќи десет минути. Процедете со цедалка, и вратете на оган, додадете ја искршената чоколада, ванилиниот шеќерот, сокот и ренданата кора од лимон, па мешајте додека не добиете погуста смеса. Тргнете од оган и изладете. Лиснатото тесто расукајте го во круг со сукало, исечете го на триаголници, па наполнете го секој и свиткајте во кифличка. Се редат во плех обложен со хартија за печење и се печат во рерна на 200 степени додека не поруменат. Посипете со шеќер во прав и послужете.