Бремените жени имаат зголемен ризик од тежок вид Ковид-19 во однос на жените кои не се бремени, изјави во четвртокот шефот на американските центри за превенција на болести (ЦДЦ), Роберт Редфилд.
ЦДЦ открила дека бремените жени со поголема веројатност биле примени во единицата за интензивна нега и сместени на респиратор.
Сепак, агенцијата наведува дека бремените жени немаат поголем ризик од смрт и додава дека сè уште нема податоци за тоа како Ковид-19 влијае на исходот на тие бремености.
Редфилд рече дека повеќе инфекции кај младите може делумно да се припишат на зголемување на дијагностицирање на болести во таа група, што е помала веројатност да бидат хоспитализирани од повозрасните.
ЦДЦ може да ја користи социјалната мрежа TikTok за да испрати предупредувања до младите луѓе за да одржат физичко растојание, да носат заштитни маски и да избегнуваат големи собири.
„Овие жаришта што ги гледаме … се значајни и треба да одговориме на нив“, рече Редфилд, укажувајќи на порастот на хоспитализациите во Аризона и Тексас.
Додека бројот на случаи на Ковид-19 опадна во држави како Њујорк и Њу Џерси, коронавирусот е во пораст на југот и западниот дел на САД, откако државите повторно беа отворени. Многу од овие нови случаи се меѓу младите, рече тој.
ЦДЦ наведува дека најмногу изложени на ризик се лицата со тешка кардиоваскуларна и бубрежна болест, хронична опструктивна белодробна болест, дебели луѓе, оние кои биле подложени на трансплантација на органи или имаат дијабетес тип 2.
Луѓето со висок крвен притисок се исто така изложени на ризик, но помалку.