Празнични мафини со новогодишни декорации (ФОТО)

Во духот на новогидушните и божикните празници ви откриваме како да подготвите превкусни мафини и да ги декорирате како новогодишни елки.

Дури и да не сте експерти во слаткарството, ова е навистина лесно – потребни ви се само прехранбени бои и слаткарски шприц со ѕвездест отвор.

Потребни состојки:

150 гр омекнат несолен путер
150 гр шеќер
Рендана кора од лимон
2 јајца
150 мл млеко
Малку сол
200 гр брашно
2 лажички прашок за пециво

Фил:

250 гр маскарпоне или крем сирење
Сок од еден лимон
50 гр шеќер во прав
Еден ванилин шеќер

Декорации:

Јадливи светки, бисери, ѕвездички…

Подготовка:

Загрејте ја рерната на 180 степени. Во калапот за мафини ставете декоративни хартиени корпици.

За тестото, шеќерот, кората од лимон и путерот изматете ги пенесто со миксер. Додадете ги јајцата, млекото, солта и на крајот брашното измешано со пецивото. Со смесата наполнете 2/3 од корпиците. Печете 20 минути и оставете да се изладат.

За филот, изматете ги крем сирењето, шеќерот во прав и ванилиниот шеќер, а на крај додадете го сокот од лимон. Обојте со зелена боја и наполнете слаткарски шприц. На секој мафин формирајте елкички со помош на шприцот. Украсувајте со шеќерни перли, светки и украси.

ПОВРЗАНИ ВЕСТИ

e