Поради снежните врнежи во Истанбул, променето е работното време во јавните установи и организации, прекинати се меѓународните летови, а влезот на возила во градот во голема мера е запрен. Метеж настана на постојките на јавниот превоз.
Во Истанбул повремено продолжуваат обилните снежни врнежи. Летовите во градот се главно откажани. Имаше многу сообраќајни несреќи на замрзнатите коловози. Во несреќата во Арнавуткој се судриле 30 возила.
На некои места во градот сообраќајот целосно запре. Дел од граѓаните ги оставија возилата покрај патот и продолжија пеш. Поради обилни снежни врнежи и неповолни временски услови во Истанбул беа затворени сите градинки и дневни центри.
Летовите на аеродромот во Истанбул беа прекинати до 04:00 часот до 25 јануари, меѓу кои и летовите за Скопје. Извршниот директор на Туркиш ерлајнс Билал Екши изјави дека аеродромот е затворен за работа поради обилните снежни врнежи.
Ekiplerimiz uçuş operasyonlarının yeniden başlaması için apron, pist ve taksi yolu üzerinde temizlik çalışmaları gerçekleştiriyor.✈️ Olumsuz hava şartları ve yoğun kar yağışına karşı çalışmalar tüm hızıyla devam ediyor.🌨️ pic.twitter.com/Ac0R4SHNGU
— İGA Istanbul Airport (@igairport) January 24, 2022