Земјотрес со јачина од 5,2 степени го погоди регионот Гуангси во југозападна Кина утрово при што загинаа две лица.
Според информациите од кинеските медиуми, евакуирани се над 7.000 луѓе во градот Лиуџоу, додека операциите за пребарување и спасување продолжуваат, а властите предупредуваат за прекини во сообраќајот.
Потврдени се два смртни случаи, едно лице сè уште се води како исчезнато, а четири лица се однесени во болница, иако ниту едно немало повреди опасни по живот, објавија CCTV и државната новинска агенција Xinhua. Тринаесет згради се урнаа во раните утрински часови, објави државната телевизија CCTV.
Железничките власти, исто така, предупредија за прекини во сообраќајот додека ја проверуваа интегритетот на железничката инфраструктура.
Комуникациските и далноводите, снабдувањето со вода и гас и сообраќајот во погодената област функционираа нормално, објавија државните медиуми.