Не треба да се оди на исток или на запад, туку да се развива прагматична соработка, рече рускиот премиер Димитриј Медведев, кој беше во посета на Србија. Тој додаде дека Русија е против конфликтен пристап и се заблагодари на Србија за ставот да не се приклучи на санкциите кон Русија.
Медведев истакна дека тие ја поддржуваат Србија и се подготвени да ја обезбедат потребната помош за зачувување на нејзиниот суверенитет и територијален интегритет. Тој додаде дека Русија се залага за мирно решавање на постоечките проблеми, врз основа на Резолуцијата 1244 на ООН.
Рускиот премиер се надева дека Европска Унија нема да и забележи на Србија затоа што потпишала трговски договор со земјите од Евроазиската економска унија (ЕАЕУ).
„Ние сакаме стабилен Балкан и соработка со сите земји на Балканот“, рече Медведев, кој додаде дека е многу важно да се зачуваат на националните интереси.