Голема трагедија го потресе Крагуевац, откако бебе кое било транспортирано со возило на Итната помош од Чачак кон Универзитетскиот клинички центар, починало по сообраќајна несреќа на влезот во градот.
Несреќата се случила во населбата Кориќани, кога санитетското возило, во кое бебето било сместено во инкубатор и под постојан надзор на неонатолог, се судрило под сè уште неразјаснети околности. Веднаш по настанот интервенирала екипа од ургентната медицина, по што бебето и медицинското лице биле префрлени на Педијатриската клиника.
И покрај напорите на лекарите за реанимација, бебето им подлегнало на повредите. Според информации, неговата здравствена состојба била критична и пред несреќата.
Надлежните институции најавија детална истрага за утврдување на причините и околностите за оваа тешка несреќа.
