Напаѓачот на Пари Сен Жермен, Нејмар тренира одделно од тимот пред натпреварот во Купот на Франција со Монако. Според тимот, Бразилецот е ангажиран со тренер за физичка подготовка бидејќи клубот не е многу задоволен од неговата форма на последните два натпревари.
Покрај тоа, Маркињос и Тома Муние го пропуштија последниот тренинг, но тоа се должи на тоа што тренерскиот штаб им даде одмор по натпреварот во Лигата на шампионите против Реал Мадрид (2:2).
Дефанзивецот Хуан Бернат пак во изјава за медиумите посочи дека Нејмар останува лојален на клубот. Според него, критиката кон Бразилецот е неоснована.
„Тој е сто процентен лојален. Тој има тежок период поради повреда, има потреба од натпревари за да влезе во оптимална форма. Ова е нормално. Се разбира добро со сите нас, сè е во ред“, рече Бернат.