Односот меѓу фудбалерите на Наполи и претседателот Аурелио Де Лаурентис продолжуваат да бидат затегнати, иако во последните денови се појави впечаток дека конфликтот полека се смирува. „Тутоспорт“ тврди дека шефот се консултирал со своите адвокати за тоа како на крајот би можел да ги изведе играчите пред лицето на правдата.
Незадоволен од резултатите, на почетокот на месецот Де Лаурентис му нареди на тимот да замине на камп. Сепак, по натпреварот против Ред Бул (Салцбург) во Лигата на шампионите, фудбалерите се вратија дома, иако нивниот претседател им нареди да продолжат да тренираат. Тренерот Карло Анчелоти застана на страна на фудбалерите, со што дополнително го изнервира неговиот шеф. Одделно играчите беа казнети со кратење на нивните плати и им беше забрането да даваат интервјуа.
Работите се чинеше дека се вратија во нормала, но синоќа клубот излезе со предупредување до нашиот Елиф Елмас. Тој си дозволи да даде интервју за време на паузата за репрезентации на Македонија. На Де Лаурентис не му се допадна ова.
– Наполи може да потврди дека Елмас разговарал со медиумите без дозвола од клубот додека трае забраната за интервјуа. Во овој поглед, клубот го задржува правото да преземе правни дејствија против него, велат неаполитанците.
Ова дополнително ги налутило фудбалерите, од кои многу размислувале да го напуштат Наполи. Одделно, двајца од играчите станале жртви на крадци во Неапол, а некои сметаат дека тоа е предупредување од тифозите против бунтовничките играчи.