Прес конференција
Петре Шилегов, портпарол на СДСМ
“ВМРО- ДПМНЕ и Никола Груевски се сериозно исплашени од историските листи на СДСМ. Немaјќи соодветен одговор на нашата понуда, тие преку нивниот послушник Владимир Панчевски го опструираат изборниот процес!
Согласно Изборниот законик, кандидатите за пратеници до Државната изборна комисија треба да поднесат Уверение од кривичната евиденција дека не се правосилно осудени на казна затвор од најмалку 6 месеци.
Кандидатите од листите на СДСМ кои денес поднесоа Барање за издавање на Уверение за неосудуваност од Основниот суд Скопје 1 Скопје им е закажано подигнување на Уверенијата на 15ти ноември 2016-та година!
Рокот за поднесување на кандидатските листи е до 11 ноември 2016-та!
Ваквото однесување на Претседателот на Основниот суд Скопје 1 Скопје, Владимир Панчевски, е класичен пример за злоупотреба на службената положба и води кон рушење на Изборниот прцес.
Искуството од претходните избори покажува дека овие потврди се издаваат во истиот ден на поднесувањето, и тоа во рок од еден час
За овој проблем, денес од страна на СДСМ денес се известени Државната изборна комисија и Претседателот на Врховниот суд на Република Македонија!
Исто така се обративме писмено и до претседателот до Основиони Суд Скопје 1 во Скопје.
Никола ти порачуваме, фер, слободни и демократски избори мора да има и ќе има. Во тоа нема да ти помогнат ниту слепите послушници кои станаа дел од твоето злосторничко здружување”, изјави Шилегов.