СДСМ: ВМРО-ДПМНЕ се обидуваат дури и пријателска Германија да ја инволвираат во нивните лаги

Нема крај на лажните паушални обвинувања и конструкции на непостоечки случаи од страна на безидејната ВМРО-ДПМНЕ, велат од СДСМ.

Нема поголемо лицемерие од тоа ВМРО-ДПМНЕ да обвинува за наводни криминали кога опозициската партија се уште не го осудува криминалот во сопствените редови.

Денеска ВМРО-ДПМНЕ пласираше уште една по којзнае која по ред лажна вест, овој пат за набавка на обрасци за лични документи.

Вистината е дека постапката за набавка на обрасците за лични документи е спроведена и договорот е склучен согласно Законот за јавни набавки.

Ги охрабруваме институциите и покрај тоа што станува збор за паушални обвинувања, до крај да ги расчисти сите наоди за кои лажно обвинува ВМРО-ДПМНЕ.

Колку ВМРО-ДПМНЕ е заглавено во очај, безидејност и лажни вести, говори фактот што компанијата која ја обвинуваат за соучесник во наводен корупциски криминал е германска компанија во која 40% сопственик е државата, Сојузна Република Германија.

Лажни вести, безидејност, деструктивно однесување. Тоа е понудата на ВМРО-ДПМНЕ и Мицкоски. Граѓаните го ценат таквиот однос од опозициската партија и затоа ВМРО-ДПМНЕ и по изборите на 12 април останува во опозиција, стои во најновото соопштение од СДСМ.

ПОВРЗАНИ ВЕСТИ

e