Метар по метар километар! А за некои населени места овие километри живот значат, порачуваат од Јавното претпријатие за државни патишта.
Токму затоа, велат оттаму, во Годишната програма за изградба, реконструкција, рехабилитација, одржување и заштита на државните патишта за 2020 година предвидени се средства за услуги за одржување на патиштата.
Во таа насока, потпишан е договор со Јавното претпријатие за одржување и заштита на магистрални и регионални патишта. Во моментов работат на терен на повеќе патни правци:
На патен правец Островија–Црнилиште се врши тампонирање.
На патен правец Бистрица–Рагош и на Кадино село-Мариово се асфалтира.
На патен правец Витолиште-Штавица-Мариово се гребе асфалтот.
На патен правец Таор–Катланово се врши тампонирање.
На патен правец Гостивар-Чајле-Чегране се асфалтира.
На патен правец Крива Паланка-Луке се прави пробивање и тампонирање.
На патен правец Плачковица-Радовиш се асфалтира.
На патен правец Банско–Колешино се асфалтира.
