За време на гостувањето на Телма телевизија, поранешниот шеф на УБК, Слободан Богоевски, изјави дека предлогот за Никола Груевски да стане претседател на ВМРО-ДПМНЕ дошол од грчкиот бизнисмен Кондоминас.
Како што тврди тој, ова се случило откако Груевски ја потпишал продажбата на Окта.
Запрашан за Љубчо Георгиевски, Богоевски истакна дека тој не само што знаел, туку и самиот официјално го предложил за наследник.
Како што кажа Богоевски, Кондоминас го „држел во џеб“ Груевски.
– Груевски му е должен, бидејќи благодарение на него стана премиер – рече Богоевски.