Во текот на 2019 година се направени многубројни инвестициски активности во ООУ” Јоаким Крчовски” во општина Крива Паланка. Имено, после 40 години ова основно училиште има комплетно сменет лик.
– Комплетно се изградени нови санитарни јазли во сите тоалети (комплетно заменети доводна и одводна мрежа) со што е остранет причинителот за изгледот на фасадата каква што е во моментот, а вградени се по два хидранта на сите катови и подрумски делови. Заменета е и доводната мрежа со соодветно 16 барско црево.
-Комплетно се заменети сите плочки по хоризонтали и вертикали во објектот од двата влеза.
-Вградени се и фотоволтаични панели-истакна Директорот на ООУ “Јоаким Крчовски”, Дане Петровски.
Меѓудругото извршена е и комплетна санација на санитарните јазли после 40 години.
Градоначалникот Мицевски заедно со стручите служби од општината беше во посета на училиштето и покрај досегашните активности на кои се работеше во 2019 тој ги спомена и идните планови и нови инвестициски активности што се предвидени.
За наредната година се планира итно санирање на постоечката фасада со термоизолацина (енергетски ефикасна) фасада, со што се заокружува целокупниот процес за комплетно реновирање на овој учишен објект, а со што тој ќе ги исполни условите за енергетско ефикасен објект.
Сите училници каде што учат ученици до петто одделение во градот и подрачните училишта се опремени со смарт телевизори, достапен интернет кај сите, а извршена е набавка и две смарт табли, повеќе проектори и подвижен лаптоп за секој што има потреба-изјави градоначалникот на градот, Борјанчо Мицевски.