Крива Паланка гради нова туристичка мапа. Станечки Водопади се новата атрактивна дестинација каде туристите ќе можат да уживаат во убавините на природата и прекрасните пејзажи на овој крај со недопрена природна убавина во нашата општина, соопшти градоначалникот на Крива Паланка, Сашко Митовски.
На локалитетот, вчера и денес, се одржа промотивен настан со млади „Зелен викенд“-дел од проектот „Да ги поврземе бисерите“ кој Општина Крива Паланка, град Лесковац и Центар за развој на Јабланички и Пчињски округ го реализираат со финансии од Е преку програмата за прекугранична соработка помеѓу Србија и С.Македонија.
-Над стотина млади учествуваа на спортско-рекреативниот настан во повеќе дисциплини и ја промовираа важноста на здрави навики и спортските активности. „Да ги поврземе бисерите“ овозможи изградба на патека кон туристичкиот локалитет Станечки водопади, уредување со урбана опрема, а патеката води кон Ловечка куќичка на Калин Камен, места кои во иднина се очекува да прераснат во туристичка атракција и да привлечат бројни туристи, посочи Митовски.