Планинарското друштво Руен од Крива Паланка постои дури 40 години. Во текот на своеето постоење друштвото бележи многубројни успеси преку своите активности.Имено друштвото е препознатливо по својот организиран и планинарски активизам, многубројни спортски активности,голем број планинаски успеси, какои учество во севкупниот културен и општествен живот.По повод 40 годишниот јубилеј планинарското друштво Руен како и за сите планинарски активности и успеси издаде печатен материјал кој беше презентиран пред своите членови и останатата публика.По повод постоењето беше презентирана и публикација со фотографии и податоци за сите активности на клубот.
Оваа активност на ПСК Руен финансиски е подржана од буџетот на Општина Крива Паланка од средствата определени за поддршка на здруженија на граѓани и фондации за 2019 год.Како автор на споменатата публикација е Милојко Ангеловски, инаку и прв претседател на ПСК Руен од Крива Паланка.
Тој пред присутните зборуваше за планинарењето како спортска активност, за самите почетоци и испишаната историја за клубот во текот на сите 40 години, за искуствата со планинаррењето во кривопаланечко,воедно го претстави и почетокот на основањето на клубот, активностите кои ги имаат планинарите, како и за врвовите кои тие ги имаат искачено.
-И пред основењето на планинарското друштво Руен, на овие простори постоеше поединечно и групно планинарење од луѓе кои сакаат да видат убави предели и чудесни места, да доживеат ретки настани, а нивните очи сета таа убавина ја впиваат и тогаш нивната душа се отвора и восхитува на нешто што срцето може да го осети, а јазикот неумее да го искаже, рече Ангеловски.
Планинарското друштво Руен од Крива Паланка во текот на своите 40 години од постоењето има учествувано во многу акции во земјата и во странство, а за подвизите кои ги имаат направено членовите, друштвото има добиено многу награди,признанија,дипломи и пофалници.
ПСК Руен, во своите редови има и лиценциран планинарски водич и акциите ги спроведува согласно правилникот за движење во планина.
Градоначалникот Борјанчо Мицевски им го честита јубилејот и посака уште многу успеси на членовите на планинарското друштво, а воедно им се заблагодари за нивниот допринос во промоцијата на планинарството како рекреативна активност, за промоцијата на убавините на Осоговските планини и другите наши природни убавини, ширум светот.