За темелно миење на јагодите користете солена вода!

Пристигна сезоната на јагоди, омиленото овошје на многумина.

Имено, се верува дека добро е да се измијат јагодите во солена вода, бидејќи во нив живеат разни пајаци и многу ситни инсекти. Како и повеќето од нас, новинарката Криста Торес досега ги миела само во вода, па одлучила да се увери дали има вистина во тоа.

Наполнила сад со вода на собна температура и оцет во размер 4 спрема 1 и малку сол. Ги ставила јагодите во тој раствор и ги оставила така да отстојат 5 минути.

Бели црвчиња
Иако не видела пајаци во водата, кога ги погледнала јагодите одблиску била ужасната, бидејќи од нив излегле мали бели бубачки, што личат на црви. Тврди дека ги видела на шест до осум јагоди од оние што ги ставила во садот.

Според LiveStrong, измивањето на овошјето и зеленчукот со солена вода може да помогне во отстранувањето пестициди, а особено нечистотии и инсекти. Белите црвчиња што ги видела новинарката се потомци на оцетните мушички на плодот, еден вид вински мушички. Женките ги положуваат своите јајца во овошјата кои штотуку почнуваат да созреваат, особено во боровинки, јагоди и малини.

Всушност, научниците велат дека сите ние со години јадеме бубачки, само што никогаш не сме размислувале за тоа, ниту сме ги забележале.

ПОВРЗАНИ ВЕСТИ

e